ေမာ္စကိုျပန္ ကိုမ်ိဳးလြင္

က်မရဲ႕ ရွန္ဟိုင္းခရီးမွတ္တမ္းထဲက ဒီစာပိုဒ္နဲ႔ ပတ္သက္ၿပီး ဆက္ေရးဖို႔ ကိုမ်ိဳးလြင္ရဲ႕ သမီး Simone Lwin နဲ႔ မိတ္ေဆြေတြက.. တိုက္တြန္းအားေပးၾကေတာ့ ရင္ဖြင့္ပါရေစ..

"1996 September ေက်ာင္းသားေတြ ဒီမိုကေရစီေရး ဆႏၵျပလို႔ အဖမ္းခံရၿပီး မၾကာခင္လုပ္တဲ့ပြဲဆိုေတာ့ ေျပာစရာက ရင္နဲ႔အျပည့္၊ ကိုယ္နဲ႔အတူ MOFA ကျပဳတ္ၿပီး အတူတူအလုပ္လုပ္တဲ့ ကိုမ်ိဳးလြင္ တေယာက္လွည္းတန္းမွာ သမီးႀကိဳရင္း ႐ိုက္ႏွက္အဖမ္းခံ၊ က်ိဳကၠစံကြင္းကေန အင္းစိန္ပို႔..ဇတ္လမ္းကရွည္မွာစိုးလို႔..."

၈၈ အေရးေတာ္ပုံမွာ MOFA ႏိုင္ငံျခားေရးဝန္ႀကီးဌာနကေန အျဖဳတ္ခံရသူ ၁၈ ေယာက္ထဲမွာ အကိုရင္းတေယာက္လို ခ်စ္ခင္ရတဲ့ ကိုမ်ိဳးလြင္လည္းပါတာေပါ့။ MOFA ဆိုတာ တကယ္ေတာ့ ေရေပၚဆီ Elite ေတြ၊ အခြင့္ထူးခံလူတန္းစားေတြရယ္လို႔ အမ်ားကျမင္ၾကတာပါ။ ၈၈ အေရးေတာ္ပုံမွာ ဘာတာဝန္ေတြယူခဲ့လို႔ ျဖဳတ္ခံရတာလဲဆိုတဲ့ အေၾကာင္းေတြကို အေသးစိတ္မေရးေတာ့ပါဘူး။ ျပည္သူေတြနဲ႔ အတူ ရပ္တည္ခဲ့ၾကတဲ့ လုပ္ေဖၚကိုင္ဘက္ေတြပါ။

ေနာက္တန္း ဝဲစြန္- ကိုမ်ိဳးလြင္၊ အလယ္ - ဦးသန္းထြန္းေအာင္၊ Peter Sein Maung, who was about to leave Rangoon to join his wife Ma Ma Pyone in Australia.

ေရွ႕တန္း...က်မနဲ႔ မီးမီး ဥမၼာမင္း (စိန္ေမာင္ရုပ္ရွင္ရဲ႕ ေျမးဦး)

အလုပ္ျပဳတ္တာ ၁၉၈၈ ေအာက္တိုဘာလကုန္ပိုင္း၊ က်မတို႔ျပဳတ္တဲ့လူေတြစုၿပီး တခုခု လုပ္ၾကရရင္ေကာင္းမယ္လို႔ တိုင္ပင္မိၾကတာနဲ႔။ က်မနဲ႔ MOFA မွာ သံအရာရွိအတူတူျဖစ္ခဲ့တဲ့ သူငယ္ခ်င္း မာလာစိန္ေမာင္က လမ္းမေတာ္ၿမိဳ႕နယ္၊ လွည္းတန္းနဲ႔ မဟာဗႏၶဳလ လမ္းေထာင့္မွာ သူ႔မိဘ (စိန္ေမာင္႐ုပ္ရွင္နဲ႔ ႐ြက္ေလွဘီစကြတ္စက္႐ုံပိုင္ရွင္) ပိုင္ပြဲ႐ုံတခုလြတ္ေနတာရွိတယ္။ လခလည္းေပးစရာမလိုဘူး။ လူစုၿပီး တိုင္ပင္စရာရွိတာ တိုင္ပင္၊ ဆိုင္ဖြင့္ဖြင့္၊ လုပ္စရာရွိတာလုပ္ပါဆိုၿပီး ၃ ထပ္တိုက္ႀကီးရဲ႕ ေအာက္ဆုံးထပ္တခုလုံးကို သဒၶါတရားထက္သန္စြာ ေမတၱာအျပည့္၊ လ်က္ေလ်ာ (ရက္ေရာ) စြာ အသုံးျပဳခြင့္ ေပးပါတယ္။

Left to right: Ko Myo Tun Aye, U Than Htun Aung, KSW, Peter Sein Maung, Ko Sein Win & Ko Myo Lwin at Yadanabon. 

အဲဒီေနရာမွာ လုပ္ငန္းကုမၼဏီမွတ္ပုံတင္က်ဖို႔ေစာင့္ရင္း ပထမဆုံး စတိုးဆိုင္ ယာယီဖြင့္ျဖစ္ပါတယ္။ အဲဒီေခတ္က Mini market ဆိုလို႔ စိန္ေဂဟာတခုဘဲ ရွိေသးတာပါ။ ကုမၼဏီမွတ္ပုံတင္က်ေတာ့ ရတနာပုံလုပ္ငန္းစုလီမိတက္ Yadanabon Enterprises Group Ltd. ဆိုၿပီး Export Import, Construction, Freight Forwarding, Travel & Tours, Consultancy and Human Resources ၿပီး လုပ္ငန္းေတြခြဲလုပ္ၾကပါတယ္။ မွတ္မွတ္ရရ..ကိုေအာင္ေဆြက Yadanabon logo Design ေလးဆြဲေပးပါတယ္။ YE ကို ဆဌဂံ ပုံစံေလး။ ရတနာပုံက ဘာလုပ္တာလဲေမးရင္ Everything under the Sun, which makes money, except..ဆိုၿပီးဟာသေႏွာခဲ့ရဘူးပါတယ္။ ရတနာပုံရဲ႕ လြမ္းေမာစရာ Achievements ေတြနဲ႔ Failures ေတြကို မွတ္မိသေလာက္ ေရးၾကည့္ပါဦးမယ္။ က်မတို႔ ရတနာပုံမွာ ကိုမ်ိဳးလြင္က ေငြစာရင္းကိုင္ပါတယ္။

ကိုမ်ိဳးလြင္က ဟသၤာတဇာတိ၊ က်မက ဟသၤာတေထာင္ေရွ႕က အထက (၁) မွာ ၅ တန္း တက္ခဲ့ဘူးေတာ့ ေလေပးပိုေျဖာင့္။ က်မ မွတ္မိတဲ့ဆရာ၊ ဆရာမ၊ အတန္းတူငယ္ခ်င္းေတြကို သူရွာေပးတတ္ပါတယ္။ က်မရဲ႕ ၅ တန္း အတန္းပိုင္ဆရာမ အပ်ိဳႀကီး ေဒၚခင္သင္းစိန္ ဆုံးေတာ့ သူသတင္းေပးပါတယ္။ ဟသၤာတ ဦးဝိစာရလမ္းမွာေနတဲ့ က်မ အတန္းေဖၚ မေအးသန္း ကိုလည္း ကိုမ်ိဳးလြင္ဘဲ ျပန္ဆက္သြယ္ေပးလို႔ ႏွစ္ေယာက္သားေပ်ာ္လိုက္ၾကတာ။ ဟသၤာတက ဘုရားေတြ သတိရတိုင္းနံမယ္ေတြ ျပန္ေျပာျပေတာ့ သူက က်မကို မွတ္ဉာဏ္ေကာင္းတယ္လို႔ ခ်ီးက်ဴးေပါ့။ စားဖူးတဲ့ ငါးသေလာက္ဥေၾကာ္၊ ေကာက္ညႇင္းေပါင္းေတြထည့္စားတဲ့ ဟသၤာတမုန႔္ဟင္းခါး၊ ငါးဖယ္ငါးဆုတ္ကို အုန္းႏို႔နဲ႔ ခ်က္တဲ့ အေၾကာင္း၊ စုံေနေအာင္ ေျပာၾကေပါ့။

ကိုမ်ိဳးလြင္က သိပ္ကိုေပ်ာ္ေပ်ာ္ေနတတ္ပါတယ္။ ၾကည့္လိုက္ရင္ ၿပဳံးၿပဳံးေလးနဲ႔ ေဆးလိပ္ကို အၿမဲလိုလိုခဲထားပါတယ္။ က်မကို ခ်စ္စႏိုးနဲ႔ ညီမေလးလို႔ေခၚပါတယ္။ က်မ က ရတနာပုံမွာ Public Relations သေဘာမ်ိဳး အဆက္အသြယ္နဲ႔ Marketing လုပ္ရေတာ့၊ ထုံးစံအရ အလႉထည့္ရတဲ့အခါေတြရွိပါတယ္။ သူက ေငြကိုင္ဆိုေတာ့ အျပင္ထြက္ရင္ ညီမေလး အခုသြားမွာက အဝင္လား အထြက္လား၊ ေငြဝင္မွာလား၊ ထြက္မွာလားေပါ့။ အျပင္ထြက္တိုင္း က်မ စိတ္ဆိုးေအာင္ သူက စ ေနာက္၊ က်မက စိတ္ဆိုး ကက္ကက္လန္..ဆူညံပြက္ေလာ႐ိုက္..သူကေပ်ာ္.. ကိုမ်ိဳးလြင္ရဲ႕ ဇနီး မမေအးၿမိဳင္က ၾကင္နာတတ္တဲ့ သူနာျပဳဆရာမႀကီးပါ။ သား ၃ ေယာက္ သမီး တေယာက္ထြန္းကားပါတယ္။

၁၉၉၆ စက္တင္ဘာကုန္ပိုင္းကေန ဒီဇင္ဘာလဆန္းပိုင္းအထိ ေက်ာင္းသားေတြ ပညာေရးနဲ႔ ပတ္သက္ၿပီး ေတာင္းဆို ဆႏၵျပၾကနဲ႔ တာနဲ႔ပတ္သက္ၿပီး NLD လူႀကီးေတြ က ေသြးထိုးလႈံ႕ေဆာ္တာဆိုၿပီး စစ္အစိုးရက ေဒါသထြက္၊ ေက်ာင္းသားေတြ လွည္းတန္းမွာ ထိုင္သပိတ္နဲ႔ ၿငိမ္းခ်မ္းစြာဆႏၵျပတဲ့ ဒီဇင္ဘာ ၅ နဲ႔ ၆ ထင္ပါရဲ႕။ ထိုင္သပိတ္နဲ႔ ၿငိမ္းခ်မ္းစြာ ဆႏၵထုတ္ေဖၚတဲ့ေက်ာင္းသူေက်ာင္းသားေတြကို မီးသတ္ပိုက္နဲ႔ ေရျဖန္းၿပီး လူစုခြဲတာ ေရေတြက ႐ႊံ႕ေရေတြဆိုေတာ့ မြန္းၿပီး ေမ့လဲၾက၊ ဒဏ္ရာရၾက၊ မေျပးႏိုင္တဲ့လူေတြအဖမ္းခံၾကရတာ အမ်ားအသိပါ။ ေျမနီကုန္း-ျပည္လမ္းမွာေနတဲ့ ကိုမ်ိဳးလြင္က လွည္းတန္းမွာ လမ္းေတြပိတ္ထားေတာ့ သမီးကို စိတ္ပူၿပီး သြားႀကိဳခ်ိန္..စစ္သားအျပည့္နဲ႔ Lorry ကားဆိုက္ခ်ိန္နဲ႔ တိုးပါေလေရာတဲ့။ ဆႏၵျပေက်ာင္းသားေတြကို ေထာက္ခံသူေတြကို အၿငိဳးနဲ႔ ဖမ္းခ်င္ပုံရပါတယ္။ ကိုမ်ိဳးလြင္လည္းေရွာင္ခ်ိန္ မရ၊ ရွင္းျပခြင့္မရ၊ စစ္သားေတြက သူ႔ကို ႐ိုက္ႏွက္ၿပီး ကားေပၚ တင္လိုက္ပါတယ္။ ကိုမ်ိဳးလြင္နဲ႔အတူ သူတို႔အိမ္နားက အသိျဖစ္သူ အရပ္ဝတ္နဲ႔ ရဲအရာရွိ နယ္ထိန္းႀကီးကိုပါ ႐ိုက္ႏွက္ၿပီး ကားေပၚတင္ဖမ္းထည့္လိုက္တာပါဘဲတဲ့။ ေက်ာင္းသားေတြကို ေသာက္ေရသန႔္နဲ႔ စားစရာလႉတဲ့ လွည္းတန္းရတနာထြန္းစတိုးဆိုင္ရွင္ က်မတို႔ရဲ႕မိတ္ေဆြ ဦးေမာင္ေမာင္လည္း အဖမ္းခံရၿပီး ေထာင္က်ခဲ့ဘူးပါတယ္။

ကိုမ်ိဳးလြင္ အဖမ္းခံရၿပီး စစ္ကားေပၚပါသြားတယ္ၾကားရေတာ့ စိတ္ပူၿပီး ကိုမ်ိဳးလြင္ရဲ႕ အားကိုးရတဲ့ သားႀကီးၾသရႆ ကိုမိုးလြင္က လိုက္စုံစမ္းပါတယ္။ ကိုမိုးလြင္က သြက္လက္ဖ်တ္လတ္တယ္၊ သူက YES English Language School ဖြင့္ထားေတာ့ အဆက္အသြယ္ေကာင္းတယ္ေလ။ လွည္းတန္းကေနဖမ္းသြားတဲ့လူေတြကို က်ိဳကၠစံကြင္းမွာထားတယ္လို႔ သတင္းရတာနဲ႔ ကိုမိုးလြင္လိုက္သြားပါတယ္။ သူျပန္လာေတာ့ သတင္းေကာင္းၾကားရပါတယ္။ ဆႏၵျပပြဲနဲ႔ မဆိုင္တဲ့လူေတြ စိစစ္ၿပီးျပန္လႊတ္ေပးမွာတဲ့။ လူမ်ားေတာ့ နည္းနည္းၾကာမယ္ေပါ့။ ကိုမ်ိဳးလြင္ကေတာ့အ႐ိုက္ခံထားရတဲ့ဒဏ္နဲ႔ အေတာ္ခံစားေနရရွာတယ္တဲ့။

ကိုမ်ိဳးလြင္တေယာက္ တရက္ေနလည္းျပန္မလြတ္၊ ၂ ရက္ေနလည္းျပန္မလြတ္၊ ေနာက္ထပ္စုံစမ္းေတာ့ အင္းစိန္ေထာင္ပို႔လိုက္ၿပီတဲ့။ ဘုရားေရ..ဘယ္လိုျဖစ္တာလဲေပါ့။ က်ိဳကၠစံကြင္းမွာဖမ္းထားတဲ့လူေတြကို စိစစ္ေတာ့ ကိုယ္ေရးရာဇဝင္ပုံစံျဖည့္ခိုင္းတယ္တဲ့။ ကိုမ်ိဳးလြင္က အရင္ကလုပ္ခဲ့ဘူးတဲ့ အလုပ္အကိုင္ေနရာမွာ MOFA အၿငိမ္းစားေပါ့။ ဘာလို႔ အေစာႀကီးပင္စင္စားတာလဲဆိုေတာ့ ၈၈ အေရးအခင္းမွာ ပါလို႔ အၿငိမ္းစားေပးခံရတာပါလို႔ အမွန္အတိုင္းေျပာျပလိုက္တာ.တခါတည္း အင္းစိန္ေထာင္ပို႔မယ့္စာရင္းထဲ ေအာ္တိုမက္တစ္ပါသြားပါေလေရာတဲ့..

အင္းစိန္ေထာင္ဆိုေတာ့ လိုက္သြားလို႔လည္းမရ၊ အဆက္အသြယ္လုပ္ဖို႔ နည္းလမ္းမ်ိဳးစုံရွာၾကေပါ့။ အဲ့ဒီအခ်ိန္က ေထာက္လွမ္းေရးေသာင္းက်န္းတဲ့ေခတ္ဆိုေတာ့ ဘယ္သူ႔ဘယ္သူမွမကယ္ႏိုင္၊ အဆက္အသြယ္ျပတ္သြားပါတယ္။ ေနာက္ဆုံးႀကံရာမရ၊ က်မ အရဲစြန႔္ၿပီး DDSI တပ္မေတာ္ေထာက္လွမ္းေရးက အသိ DSA ဆင္း ကိုခင္ေအာင္ကို ဆက္သြယ္ၿပီး နားပူနားဆာလုပ္၊ ဂ်ီတိုက္၊ ကိုမ်ိဳးလြင္ကို စုံစမ္းေပးဖို႔ ေပါ့။ ကိုခင္ေအာင္က အဲဒီအခ်ိန္က တြင္း ၁ ရဲ႕ အနီးကပ္။ ကိုခင္ေအာင္ေျပာေပးလို႔ဘဲလား၊ လြတ္ခ်ိန္တန္လို႔လားေတာ့မသိ၊ ၄၅ ရက္အၾကာမွာ ကိုမ်ိဳးလြင္ကို ခံဝန္နဲ႔ လႊတ္ေပးပါတယ္။

ေအာ္..ဘာအျပစ္မွမလုပ္ရပါဘဲ၊ ႐ိုက္ႏွက္၊ ဖမ္းခ်ဳပ္၊ တရားစီရင္တာလည္းမရွိ၊ ခုခံပိုင္ခြင့္လည္းမေပး၊ ေထာင္ထဲတန္းပို႔၊ လႊတ္ေတာ့၊ ေကာင္းမြန္စြာေနပါ့မယ္ဆိုတဲ့ ခံဝန္ထိုးခိုင္းတဲ့ တရားမဲ့ ေ႐ႊျပည္ေတာ္ႀကီးပါ..ကမာၻေပၚမွာ အလွဆုံးတိုင္းျပည္..ကမာၻေပၚမွာေနခ်င္စရာ..အေကာင္းဆုံး..ဒီတိုင္းျပည္..

ဒါတင္မၿပီးေသးပါဘူး။ ေနတဲ့ရပ္ကြက္မွာလည္း ခံဝန္ထိုး ေစာင့္ၾကည့္ခံတဲ့။ ကဲ..ပါ ဘာဘဲေျပာေျပာ ငါတို႔ အကို လြတ္လာၿပီဘဲ..ေအာင္မေလး..ေတြ႕ေတြ႕ခ်င္း..ရင္စို႔..ငိုခ်င္းသည္က်မပါဘဲ..ျပည့္ျပည့္ၿဖိဳးၿဖိဳး ကိုမ်ိဳးလြင္တေယာက္ ငါးေဖါင္႐ိုးျဖစ္..ဝတ္သြားတဲ့ ပုဆိုးက ဒူးအထက္ေရာက္ေအာင္တို..ျဖစ္ေၾကာင္းရယ္ကုန္စင္..နတ္သံေႏွာ..ျပန္ေျပာျပတာကေတာ့..အင္းစိန္ေထာင္ပို႔တဲ့ညက လူ ၃၀ ကို ၁၀ ေပပတ္လည္အခန္းထဲထည့္လိုက္တာ၊ မတ္တတ္ေမွးခဲ့ရတယ္တဲ့။ ေနာက္ေန႔ေတြလူေလွ်ာ့ေပမဲ့လည္း လွဲအိပ္လို႔ရတယ္ဆို႐ုံဘဲတဲ့။ ေထာင္ထဲ ဂန္ဖလားနဲ႔ ဝမ္းေတာ္သြားၾကရတာ သိၾကၿပီးသား ျဖစ္မွာပါ။ ကိုမ်ိဳးလြင္ကေတာ့ ညီမေရ..ငရဲဘဲတဲ့။ လူၾကားထဲထိုင္ ဝမ္းသြားဖို႔ဆိုတာ ေတာ္ေတာ္စြန႔္ရတာတဲ့၊ ဝမ္းခ်ဳပ္တဲ့ဒဏ္၊ ႀကိဳးစားသြားေတာ့ ကုန္းစရာကမရွိ၊ ပုဆိုးေအာက္ပိုင္းနည္းနည္းစီ ဆုတ္ၿပီး ကိစၥရွင္းခဲ့ရတာ၊ လြတ္တဲ့ေန႔ အဝွာမေပၚတာ ကံေကာင္းလို႔တဲ့။

ကိုမ်ိဳးလြင္ကေတာ့ ေပ်ာ္ေပ်ာ္ေနတတ္တဲ့လူဆိုေတာ့ ေထာင္တြင္းအေတြ႕အႀကဳံေတြကို ဟာသေႏွာၿပီးေျပာျပပါတယ္။ ေထာင္ထဲမွာ သူမ်ားေတြဆိုျပတဲ့ သီခ်င္းေတြနားေထာင္ေကာင္းလြန္းလို႔တဲ့။ တြံေတးသိန္တန္၊ ကိုသန္းလႈိင္၊ ကိုတင္လႈိင္၊ မ်ိဳးျမင့္ေလး၊ ေဇာ္ဝမ္း စုံေနတာဘဲတဲ့။ ေနာက္ ထိုင္းအက်ဥ္းသားရဲ႕ စိုက္ခင္းက ဟင္းသီးဟင္း႐ြက္ေတြနဲ႔ အသက္ဆက္ခဲ့ရတာ၊ အက်ဥ္းက်ေဖၚအခ်င္းခ်င္း ေဖးမခဲ့ၾကတာေတြ ျပန္ေျပာျပပါတယ္။

၁၉၈၈ ႏွစ္ကုန္ပိုင္းကေန ၁၉၉၇ ႏွစ္ဆန္းပိုင္းအထိ ၁၀ ႏွစ္နီးပါး ရတနာပုံမွာဘဲ က်မ ေဇာက္ခ် လုပ္ခဲ့တာပါ။ အာဏာပိုင္ေတြအျမင္မၾကည္လင္လို႔ထင္ပါရဲ႕ ၂၀၀၀ ျပည့္ႏွစ္ေနာက္ပိုင္း ရတနာပုံကုမၼဏီမွတ္ပုံတင္ သက္တမ္းတိုးခြင့္မရေတာ့ပါဘူး။ ကိုမ်ိဳးလြင္ကေတာ့ ရတနာပုံပိတ္တဲ့အထိ လုပ္ခဲ့ၿပီး ၂၀၀၁ ခုႏွစ္ August မွာ အသဲေရာဂါနဲ႔ ကြယ္လြန္ခဲ့ပါတယ္။ ႏိုင္ငံျခားေရးဝန္ႀကီးဌာနမွာ တာဝန္ထမ္းေဆာင္စဥ္၊ Australia, Japan and Bangladesh ႏိုင္ငံေတြမွာ သံတမန္အျဖစ္ တာဝန္က်ခဲ့ဘူးပါတယ္။ ကိုမ်ိဳးလြင္ကေတာ့ Russia မွာတာဝန္မက်ခဲ့ေပမဲ့ Moscow ကိုေရာက္ခဲ့ရတဲ့အျဖစ္ပါ။

က်မေရးတဲ့ ရွန္ဟိုင္ခရီးစဥ္ မွတ္စုမွာ ကိုမ်ိဳးလြင္အေၾကာင္း စတိေရးမိတာနဲ႔ Green Card မဲေပါက္ၿပီး အေမရိကန္ျပည္ေထာင္စု Idaho ျပည္နယ္မွာအေျခခ်ေနထိုင္တဲ့ ကိုမ်ိဳးလြင္ရဲ႕ သမီး Simone Lwin နဲ႔ ျပန္ဆက္သြယ္မိလို႔ ဒီ မွတ္စုေရးျဖစ္တာပါ။ ေနာက္ ကိုမ်ိဳးလြင္ရဲ႕ မိတ္ေဆြတခ်ိဳ႕က ဆက္ေရးဖို႔ Request လုပ္ၾကပါတယ္။ ၁၉၆၂ ၊ ၁၉၇၄၊ ၁၉၈၈၊ ၁၉၉၆၊ ၂၀၀၇ စတဲ့ႏွစ္ေတြ၊ ေျပာရရင္ ဒီေန႔အထိ ကိုမ်ိဳးလြင္လို ဘုမသိ ဘမသိ အဖမ္းခံရ၊ ေထာင္ခ်ခံရတဲ့ လူေတြ..လူမသိ သူမသိ..အသက္ေပးခဲ့ရသူေတြ..အတြက္..ဘယ္တရားခြင္က တရားစီရင္ေပးမွာပါလိမ့္...

.ေနာက္တေယာက္ရွိပါေသးတယ္။ က်မတို႔ သံျပဳတ္အဖြဲ႕ကို ေနရာထိုင္ခင္း အလကားေပးၿပီး အလုပ္လုပ္ခြင့္ေပးတဲ့ စိန္ေမာင္႐ုပ္ရွင္ မိသားစုရဲ႕ သားႀကီးၾသရႆHarry Sein Maung ဦးစိုးမင္း..ဘုမသိ ဘမသိ..၈၈ အေရးေတာ္ပုံမွာ သူမ်ားကိုကူညီမိလို႔.. အင္းစိန္နဲ႔ သာယာဝတီေထာင္ ၁၀ ႏွစ္ စံျမန္းခဲ့ရတဲ့ ဇတ္လမ္းရွိပါေသးတယ္။ မိသားစု ခြင့္ျပဳခ်က္ရလ်င္ ခ်ေရးပါဦးမည္။

တခ်ိဳ႕ကေတာ့ ၈၈ မွာအလုပ္ျပဳတ္ခဲ့တာကိုဘဲ အခဲမေၾက ဇာခ်ဲ႔ အဝွာေျခာက္ေရႏွဴးေနတယ္လိုေျပာေကာင္းေျပာေနၾကမွာပါ။ ျပဳတ္ခဲ့လို႔ေက်းဇူးတင္ေနမိတာပါ။ မျပဳတ္ခဲ့ရင္ MOFA မွာေခ်ာင္ထိုးခံျဖစ္မွာေလ။ သိပ္မေဝးလွေသးတဲ့ သမိုင္းမွာ လုပ္ခ်င္သလိုလုပ္ခဲ့တဲ့ တရားမဲ့အျဖစ္ေတြ အမ်ားႀကီးထဲက ကိုယ္တိုင္ပါဝင္ခဲ့တဲ့ အျဖစ္ေတြကို သတိေကာင္းတုန္းမွတ္တမ္းတင္ထားတာပါ။ အသိတရားနဲ႔ ဆင္ျခင္ႏိုင္ဖို႔ပါဘဲ။

Unicode

ကျမရဲ့ ရှန်ဟိုင်းခရီးမှတ်တမ်းထဲက ဒီစာပိုဒ်နဲ့ ပတ်သက်ပြီး ဆက်ရေးဖို့ ကိုမျိုးလွင်ရဲ့ သမီး Simone Lwin နဲ့ မိတ်ဆွေတွေက.. တိုက်တွန်းအားပေးကြတော့ ရင်ဖွင့်ပါရစေ..

"1996 September ကျောင်းသားတွေ ဒီမိုကရေစီရေး ဆန္ဒပြလို့ အဖမ်းခံရပြီး မကြာခင်လုပ်တဲ့ပွဲဆိုတော့ ပြောစရာက ရင်နဲ့အပြည့်၊ ကိုယ်နဲ့အတူ MOFA ကပြုတ်ပြီး အတူတူအလုပ်လုပ်တဲ့ ကိုမျိုးလွင် တယောက်လှည်းတန်းမှာ သမီးကြိုရင်း ရိုက်နှက်အဖမ်းခံ၊ ကျိုက္ကစံကွင်းကနေ အင်းစိန်ပို့..ဇတ်လမ်းကရှည်မှာစိုးလို့..."

၈၈ အရေးတော်ပုံမှာ MOFA နိုင်ငံခြားရေးဝန်ကြီးဌာနကနေ အဖြုတ်ခံရသူ ၁၈ ယောက်ထဲမှာ အကိုရင်းတယောက်လို ချစ်ခင်ရတဲ့ ကိုမျိုးလွင်လည်းပါတာပေါ့။ MOFA ဆိုတာ တကယ်တော့ ရေပေါ်ဆီ Elite တွေ၊ အခွင့်ထူးခံလူတန်းစားတွေရယ်လို့ အများကမြင်ကြတာပါ။ ၈၈ အရေးတော်ပုံမှာ ဘာတာဝန်တွေယူခဲ့လို့ ဖြုတ်ခံရတာလဲဆိုတဲ့ အကြောင်းတွေကို အသေးစိတ်မရေးတော့ပါဘူး။ ပြည်သူတွေနဲ့ အတူ ရပ်တည်ခဲ့ကြတဲ့ လုပ်ဖေါ်ကိုင်ဘက်တွေပါ။

နောက်တန်း ဝဲစွန်- ကိုမျိုးလွင်၊ အလယ် - ဦးသန်းထွန်းအောင်၊ Peter Sein Maung, who was about to leave Rangoon to join his wife Ma Ma Pyone in Australia.

ရှေ့တန်း...ကျမနဲ့ မီးမီး ဥမ္မာမင်း (စိန်မောင်ရုပ်ရှင်ရဲ့ မြေးဦး)

အလုပ်ပြုတ်တာ ၁၉၈၈ အောက်တိုဘာလကုန်ပိုင်း၊ ကျမတို့ပြုတ်တဲ့လူတွေစုပြီး တခုခု လုပ်ကြရရင်ကောင်းမယ်လို့ တိုင်ပင်မိကြတာနဲ့။ ကျမနဲ့ MOFA မှာ သံအရာရှိအတူတူဖြစ်ခဲ့တဲ့ သူငယ်ချင်း မာလာစိန်မောင်က လမ်းမတော်မြို့နယ်၊ လှည်းတန်းနဲ့ မဟာဗန္ဓုလ လမ်းထောင့်မှာ သူ့မိဘ (စိန်မောင်ရုပ်ရှင်နဲ့ ရွက်လှေဘီစကွတ်စက်ရုံပိုင်ရှင်) ပိုင်ပွဲရုံတခုလွတ်နေတာရှိတယ်။ လခလည်းပေးစရာမလိုဘူး။ လူစုပြီး တိုင်ပင်စရာရှိတာ တိုင်ပင်၊ ဆိုင်ဖွင့်ဖွင့်၊ လုပ်စရာရှိတာလုပ်ပါဆိုပြီး ၃ ထပ်တိုက်ကြီးရဲ့ အောက်ဆုံးထပ်တခုလုံးကို သဒ္ဓါတရားထက်သန်စွာ မေတ္တာအပြည့်၊ လျက်လျော (ရက်ရော) စွာ အသုံးပြုခွင့် ပေးပါတယ်။

Left to right: Ko Myo Tun Aye, U Than Htun Aung, KSW, Peter Sein Maung, Ko Sein Win & Ko Myo Lwin at Yadanabon. 

အဲဒီနေရာမှာ လုပ်ငန်းကုမ္မဏီမှတ်ပုံတင်ကျဖို့စောင့်ရင်း ပထမဆုံး စတိုးဆိုင် ယာယီဖွင့်ဖြစ်ပါတယ်။ အဲဒီခေတ်က Mini market ဆိုလို့ စိန်ဂေဟာတခုဘဲ ရှိသေးတာပါ။ ကုမ္မဏီမှတ်ပုံတင်ကျတော့ ရတနာပုံလုပ်ငန်းစုလီမိတက် Yadanabon Enterprises Group Ltd. ဆိုပြီး Export Import, Construction, Freight Forwarding, Travel & Tours, Consultancy and Human Resources ပြီး လုပ်ငန်းတွေခွဲလုပ်ကြပါတယ်။ မှတ်မှတ်ရရ..ကိုအောင်ဆွေက Yadanabon logo Design လေးဆွဲပေးပါတယ်။ YE ကို ဆဌဂံ ပုံစံလေး။ ရတနာပုံက ဘာလုပ်တာလဲမေးရင် Everything under the Sun, which makes money, except..ဆိုပြီးဟာသနှောခဲ့ရဘူးပါတယ်။ ရတနာပုံရဲ့ လွမ်းမောစရာ Achievements တွေနဲ့ Failures တွေကို မှတ်မိသလောက် ရေးကြည့်ပါဦးမယ်။ ကျမတို့ ရတနာပုံမှာ ကိုမျိုးလွင်က ငွေစာရင်းကိုင်ပါတယ်။

ကိုမျိုးလွင်က ဟင်္သာတဇာတိ၊ ကျမက ဟင်္သာတထောင်ရှေ့က အထက (၁) မှာ ၅ တန်း တက်ခဲ့ဘူးတော့ လေပေးပိုဖြောင့်။ ကျမ မှတ်မိတဲ့ဆရာ၊ ဆရာမ၊ အတန်းတူငယ်ချင်းတွေကို သူရှာပေးတတ်ပါတယ်။ ကျမရဲ့ ၅ တန်း အတန်းပိုင်ဆရာမ အပျိုကြီး ဒေါ်ခင်သင်းစိန် ဆုံးတော့ သူသတင်းပေးပါတယ်။ ဟင်္သာတ ဦးဝိစာရလမ်းမှာနေတဲ့ ကျမ အတန်းဖေါ် မအေးသန်း ကိုလည်း ကိုမျိုးလွင်ဘဲ ပြန်ဆက်သွယ်ပေးလို့ နှစ်ယောက်သားပျော်လိုက်ကြတာ။ ဟင်္သာတက ဘုရားတွေ သတိရတိုင်းနံမယ်တွေ ပြန်ပြောပြတော့ သူက ကျမကို မှတ်ဉာဏ်ကောင်းတယ်လို့ ချီးကျူးပေါ့။ စားဖူးတဲ့ ငါးသလောက်ဥကြော်၊ ကောက်ညှင်းပေါင်းတွေထည့်စားတဲ့ ဟင်္သာတမုန့်ဟင်းခါး၊ ငါးဖယ်ငါးဆုတ်ကို အုန်းနို့နဲ့ ချက်တဲ့ အကြောင်း၊ စုံနေအောင် ပြောကြပေါ့။

ကိုမျိုးလွင်က သိပ်ကိုပျော်ပျော်နေတတ်ပါတယ်။ ကြည့်လိုက်ရင် ပြုံးပြုံးလေးနဲ့ ဆေးလိပ်ကို အမြဲလိုလိုခဲထားပါတယ်။ ကျမကို ချစ်စနိုးနဲ့ ညီမလေးလို့ခေါ်ပါတယ်။ ကျမ က ရတနာပုံမှာ Public Relations သဘောမျိုး အဆက်အသွယ်နဲ့ Marketing လုပ်ရတော့၊ ထုံးစံအရ အလှူထည့်ရတဲ့အခါတွေရှိပါတယ်။ သူက ငွေကိုင်ဆိုတော့ အပြင်ထွက်ရင် ညီမလေး အခုသွားမှာက အဝင်လား အထွက်လား၊ ငွေဝင်မှာလား၊ ထွက်မှာလားပေါ့။ အပြင်ထွက်တိုင်း ကျမ စိတ်ဆိုးအောင် သူက စ နောက်၊ ကျမက စိတ်ဆိုး ကက်ကက်လန်..ဆူညံပွက်လောရိုက်..သူကပျော်.. ကိုမျိုးလွင်ရဲ့ ဇနီး မမအေးမြိုင်က ကြင်နာတတ်တဲ့ သူနာပြုဆရာမကြီးပါ။ သား ၃ ယောက် သမီး တယောက်ထွန်းကားပါတယ်။

၁၉၉၆ စက်တင်ဘာကုန်ပိုင်းကနေ ဒီဇင်ဘာလဆန်းပိုင်းအထိ ကျောင်းသားတွေ ပညာရေးနဲ့ ပတ်သက်ပြီး တောင်းဆို ဆန္ဒပြကြနဲ့ တာနဲ့ပတ်သက်ပြီး NLD လူကြီးတွေ က သွေးထိုးလှုံ့ဆော်တာဆိုပြီး စစ်အစိုးရက ဒေါသထွက်၊ ကျောင်းသားတွေ လှည်းတန်းမှာ ထိုင်သပိတ်နဲ့ ငြိမ်းချမ်းစွာဆန္ဒပြတဲ့ ဒီဇင်ဘာ ၅ နဲ့ ၆ ထင်ပါရဲ့။ ထိုင်သပိတ်နဲ့ ငြိမ်းချမ်းစွာ ဆန္ဒထုတ်ဖေါ်တဲ့ကျောင်းသူကျောင်းသားတွေကို မီးသတ်ပိုက်နဲ့ ရေဖြန်းပြီး လူစုခွဲတာ ရေတွေက ရွှံ့ရေတွေဆိုတော့ မွန်းပြီး မေ့လဲကြ၊ ဒဏ်ရာရကြ၊ မပြေးနိုင်တဲ့လူတွေအဖမ်းခံကြရတာ အများအသိပါ။ မြေနီကုန်း-ပြည်လမ်းမှာနေတဲ့ ကိုမျိုးလွင်က လှည်းတန်းမှာ လမ်းတွေပိတ်ထားတော့ သမီးကို စိတ်ပူပြီး သွားကြိုချိန်..စစ်သားအပြည့်နဲ့ Lorry ကားဆိုက်ချိန်နဲ့ တိုးပါလေရောတဲ့။ ဆန္ဒပြကျောင်းသားတွေကို ထောက်ခံသူတွေကို အငြိုးနဲ့ ဖမ်းချင်ပုံရပါတယ်။ ကိုမျိုးလွင်လည်းရှောင်ချိန် မရ၊ ရှင်းပြခွင့်မရ၊ စစ်သားတွေက သူ့ကို ရိုက်နှက်ပြီး ကားပေါ် တင်လိုက်ပါတယ်။ ကိုမျိုးလွင်နဲ့အတူ သူတို့အိမ်နားက အသိဖြစ်သူ အရပ်ဝတ်နဲ့ ရဲအရာရှိ နယ်ထိန်းကြီးကိုပါ ရိုက်နှက်ပြီး ကားပေါ်တင်ဖမ်းထည့်လိုက်တာပါဘဲတဲ့။ ကျောင်းသားတွေကို သောက်ရေသန့်နဲ့ စားစရာလှူတဲ့ လှည်းတန်းရတနာထွန်းစတိုးဆိုင်ရှင် ကျမတို့ရဲ့မိတ်ဆွေ ဦးမောင်မောင်လည်း အဖမ်းခံရပြီး ထောင်ကျခဲ့ဘူးပါတယ်။

ကိုမျိုးလွင် အဖမ်းခံရပြီး စစ်ကားပေါ်ပါသွားတယ်ကြားရတော့ စိတ်ပူပြီး ကိုမျိုးလွင်ရဲ့ အားကိုးရတဲ့ သားကြီးသြရဿ ကိုမိုးလွင်က လိုက်စုံစမ်းပါတယ်။ ကိုမိုးလွင်က သွက်လက်ဖျတ်လတ်တယ်၊ သူက YES English Language School ဖွင့်ထားတော့ အဆက်အသွယ်ကောင်းတယ်လေ။ လှည်းတန်းကနေဖမ်းသွားတဲ့လူတွေကို ကျိုက္ကစံကွင်းမှာထားတယ်လို့ သတင်းရတာနဲ့ ကိုမိုးလွင်လိုက်သွားပါတယ်။ သူပြန်လာတော့ သတင်းကောင်းကြားရပါတယ်။ ဆန္ဒပြပွဲနဲ့ မဆိုင်တဲ့လူတွေ စိစစ်ပြီးပြန်လွှတ်ပေးမှာတဲ့။ လူများတော့ နည်းနည်းကြာမယ်ပေါ့။ ကိုမျိုးလွင်ကတော့အရိုက်ခံထားရတဲ့ဒဏ်နဲ့ အတော်ခံစားနေရရှာတယ်တဲ့။

ကိုမျိုးလွင်တယောက် တရက်နေလည်းပြန်မလွတ်၊ ၂ ရက်နေလည်းပြန်မလွတ်၊ နောက်ထပ်စုံစမ်းတော့ အင်းစိန်ထောင်ပို့လိုက်ပြီတဲ့။ ဘုရားရေ..ဘယ်လိုဖြစ်တာလဲပေါ့။ ကျိုက္ကစံကွင်းမှာဖမ်းထားတဲ့လူတွေကို စိစစ်တော့ ကိုယ်ရေးရာဇဝင်ပုံစံဖြည့်ခိုင်းတယ်တဲ့။ ကိုမျိုးလွင်က အရင်ကလုပ်ခဲ့ဘူးတဲ့ အလုပ်အကိုင်နေရာမှာ MOFA အငြိမ်းစားပေါ့။ ဘာလို့ အစောကြီးပင်စင်စားတာလဲဆိုတော့ ၈၈ အရေးအခင်းမှာ ပါလို့ အငြိမ်းစားပေးခံရတာပါလို့ အမှန်အတိုင်းပြောပြလိုက်တာ.တခါတည်း အင်းစိန်ထောင်ပို့မယ့်စာရင်းထဲ အော်တိုမက်တစ်ပါသွားပါလေရောတဲ့..

အင်းစိန်ထောင်ဆိုတော့ လိုက်သွားလို့လည်းမရ၊ အဆက်အသွယ်လုပ်ဖို့ နည်းလမ်းမျိုးစုံရှာကြပေါ့။ အဲ့ဒီအချိန်က ထောက်လှမ်းရေးသောင်းကျန်းတဲ့ခေတ်ဆိုတော့ ဘယ်သူ့ဘယ်သူမှမကယ်နိုင်၊ အဆက်အသွယ်ပြတ်သွားပါတယ်။ နောက်ဆုံးကြံရာမရ၊ ကျမ အရဲစွန့်ပြီး DDSI တပ်မတော်ထောက်လှမ်းရေးက အသိ DSA ဆင်း ကိုခင်အောင်ကို ဆက်သွယ်ပြီး နားပူနားဆာလုပ်၊ ဂျီတိုက်၊ ကိုမျိုးလွင်ကို စုံစမ်းပေးဖို့ ပေါ့။ ကိုခင်အောင်က အဲဒီအချိန်က တွင်း ၁ ရဲ့ အနီးကပ်။ ကိုခင်အောင်ပြောပေးလို့ဘဲလား၊ လွတ်ချိန်တန်လို့လားတော့မသိ၊ ၄၅ ရက်အကြာမှာ ကိုမျိုးလွင်ကို ခံဝန်နဲ့ လွှတ်ပေးပါတယ်။

အော်..ဘာအပြစ်မှမလုပ်ရပါဘဲ၊ ရိုက်နှက်၊ ဖမ်းချုပ်၊ တရားစီရင်တာလည်းမရှိ၊ ခုခံပိုင်ခွင့်လည်းမပေး၊ ထောင်ထဲတန်းပို့၊ လွှတ်တော့၊ ကောင်းမွန်စွာနေပါ့မယ်ဆိုတဲ့ ခံဝန်ထိုးခိုင်းတဲ့ တရားမဲ့ ရွှေပြည်တော်ကြီးပါ..ကမ္ဘာပေါ်မှာ အလှဆုံးတိုင်းပြည်..ကမ္ဘာပေါ်မှာနေချင်စရာ..အကောင်းဆုံး..ဒီတိုင်းပြည်..

ဒါတင်မပြီးသေးပါဘူး။ နေတဲ့ရပ်ကွက်မှာလည်း ခံဝန်ထိုး စောင့်ကြည့်ခံတဲ့။ ကဲ..ပါ ဘာဘဲပြောပြော ငါတို့ အကို လွတ်လာပြီဘဲ..အောင်မလေး..တွေ့တွေ့ချင်း..ရင်စို့..ငိုချင်းသည်ကျမပါဘဲ..ပြည့်ပြည့်ဖြိုးဖြိုး ကိုမျိုးလွင်တယောက် ငါးဖေါင်ရိုးဖြစ်..ဝတ်သွားတဲ့ ပုဆိုးက ဒူးအထက်ရောက်အောင်တို..ဖြစ်ကြောင်းရယ်ကုန်စင်..နတ်သံနှော..ပြန်ပြောပြတာကတော့..အင်းစိန်ထောင်ပို့တဲ့ညက လူ ၃၀ ကို ၁၀ ပေပတ်လည်အခန်းထဲထည့်လိုက်တာ၊ မတ်တတ်မှေးခဲ့ရတယ်တဲ့။ နောက်နေ့တွေလူလျှော့ပေမဲ့လည်း လှဲအိပ်လို့ရတယ်ဆိုရုံဘဲတဲ့။ ထောင်ထဲ ဂန်ဖလားနဲ့ ဝမ်းတော်သွားကြရတာ သိကြပြီးသား ဖြစ်မှာပါ။ ကိုမျိုးလွင်ကတော့ ညီမရေ..ငရဲဘဲတဲ့။ လူကြားထဲထိုင် ဝမ်းသွားဖို့ဆိုတာ တော်တော်စွန့်ရတာတဲ့၊ ဝမ်းချုပ်တဲ့ဒဏ်၊ ကြိုးစားသွားတော့ ကုန်းစရာကမရှိ၊ ပုဆိုးအောက်ပိုင်းနည်းနည်းစီ ဆုတ်ပြီး ကိစ္စရှင်းခဲ့ရတာ၊ လွတ်တဲ့နေ့ အဝှာမပေါ်တာ ကံကောင်းလို့တဲ့။

ကိုမျိုးလွင်ကတော့ ပျော်ပျော်နေတတ်တဲ့လူဆိုတော့ ထောင်တွင်းအတွေ့အကြုံတွေကို ဟာသနှောပြီးပြောပြပါတယ်။ ထောင်ထဲမှာ သူများတွေဆိုပြတဲ့ သီချင်းတွေနားထောင်ကောင်းလွန်းလို့တဲ့။ တွံတေးသိန်တန်၊ ကိုသန်းလှိုင်၊ ကိုတင်လှိုင်၊ မျိုးမြင့်လေး၊ ဇော်ဝမ်း စုံနေတာဘဲတဲ့။ နောက် ထိုင်းအကျဉ်းသားရဲ့ စိုက်ခင်းက ဟင်းသီးဟင်းရွက်တွေနဲ့ အသက်ဆက်ခဲ့ရတာ၊ အကျဉ်းကျဖေါ်အချင်းချင်း ဖေးမခဲ့ကြတာတွေ ပြန်ပြောပြပါတယ်။

၁၉၈၈ နှစ်ကုန်ပိုင်းကနေ ၁၉၉၇ နှစ်ဆန်းပိုင်းအထိ ၁၀ နှစ်နီးပါး ရတနာပုံမှာဘဲ ကျမ ဇောက်ချ လုပ်ခဲ့တာပါ။ အာဏာပိုင်တွေအမြင်မကြည်လင်လို့ထင်ပါရဲ့ ၂၀၀၀ ပြည့်နှစ်နောက်ပိုင်း ရတနာပုံကုမ္မဏီမှတ်ပုံတင် သက်တမ်းတိုးခွင့်မရတော့ပါဘူး။ ကိုမျိုးလွင်ကတော့ ရတနာပုံပိတ်တဲ့အထိ လုပ်ခဲ့ပြီး ၂၀၀၁ ခုနှစ် August မှာ အသဲရောဂါနဲ့ ကွယ်လွန်ခဲ့ပါတယ်။ နိုင်ငံခြားရေးဝန်ကြီးဌာနမှာ တာဝန်ထမ်းဆောင်စဉ်၊ Australia, Japan and Bangladesh နိုင်ငံတွေမှာ သံတမန်အဖြစ် တာဝန်ကျခဲ့ဘူးပါတယ်။ ကိုမျိုးလွင်ကတော့ Russia မှာတာဝန်မကျခဲ့ပေမဲ့ Moscow ကိုရောက်ခဲ့ရတဲ့အဖြစ်ပါ။

ကျမရေးတဲ့ ရှန်ဟိုင်ခရီးစဉ် မှတ်စုမှာ ကိုမျိုးလွင်အကြောင်း စတိရေးမိတာနဲ့ Green Card မဲပေါက်ပြီး အမေရိကန်ပြည်ထောင်စု Idaho ပြည်နယ်မှာအခြေချနေထိုင်တဲ့ ကိုမျိုးလွင်ရဲ့ သမီး Simone Lwin နဲ့ ပြန်ဆက်သွယ်မိလို့ ဒီ မှတ်စုရေးဖြစ်တာပါ။ နောက် ကိုမျိုးလွင်ရဲ့ မိတ်ဆွေတချို့က ဆက်ရေးဖို့ Request လုပ်ကြပါတယ်။ ၁၉၆၂ ၊ ၁၉၇၄၊ ၁၉၈၈၊ ၁၉၉၆၊ ၂၀၀၇ စတဲ့နှစ်တွေ၊ ပြောရရင် ဒီနေ့အထိ ကိုမျိုးလွင်လို ဘုမသိ ဘမသိ အဖမ်းခံရ၊ ထောင်ချခံရတဲ့ လူတွေ..လူမသိ သူမသိ..အသက်ပေးခဲ့ရသူတွေ..အတွက်..ဘယ်တရားခွင်က တရားစီရင်ပေးမှာပါလိမ့်...

.နောက်တယောက်ရှိပါသေးတယ်။ ကျမတို့ သံပြုတ်အဖွဲ့ကို နေရာထိုင်ခင်း အလကားပေးပြီး အလုပ်လုပ်ခွင့်ပေးတဲ့ စိန်မောင်ရုပ်ရှင် မိသားစုရဲ့ သားကြီးသြရဿHarry Sein Maung ဦးစိုးမင်း..ဘုမသိ ဘမသိ..၈၈ အရေးတော်ပုံမှာ သူများကိုကူညီမိလို့.. အင်းစိန်နဲ့ သာယာဝတီထောင် ၁၀ နှစ် စံမြန်းခဲ့ရတဲ့ ဇတ်လမ်းရှိပါသေးတယ်။ မိသားစု ခွင့်ပြုချက်ရလျင် ချရေးပါဦးမည်။

တချို့ကတော့ ၈၈ မှာအလုပ်ပြုတ်ခဲ့တာကိုဘဲ အခဲမကြေ ဇာချဲ့ အဝှာခြောက်ရေနှူးနေတယ်လိုပြောကောင်းပြောနေကြမှာပါ။ ပြုတ်ခဲ့လို့ကျေးဇူးတင်နေမိတာပါ။ မပြုတ်ခဲ့ရင် MOFA မှာချောင်ထိုးခံဖြစ်မှာလေ။ သိပ်မဝေးလှသေးတဲ့ သမိုင်းမှာ လုပ်ချင်သလိုလုပ်ခဲ့တဲ့ တရားမဲ့အဖြစ်တွေ အများကြီးထဲက ကိုယ်တိုင်ပါဝင်ခဲ့တဲ့ အဖြစ်တွေကို သတိကောင်းတုန်းမှတ်တမ်းတင်ထားတာပါ။ အသိတရားနဲ့ ဆင်ခြင်နိုင်ဖို့ပါဘဲ။